Eg har bachelor i musikk med gitar som hovudinstrument frå høgskulen i Volda. Eg har vore vikar som gitarlærar på ulike kulturskular det siste halvåret og har også erfaring frå praksis som gitarlærar. Eg har vore mest opptatt av ulike metalsjangrar, men eg utfordrar meg sjølv ofte til å prøve ut nye sjangrar. I det siste har eg satt meg inn i flamenco med gitaristen Al di Meola som utgangspunkt og nokre songar for klassisk gitar for å øve fingerspel.

Eg er opptatt av at elevane skal kunne utvikle utforskerglede gjennom musikken. Eg likar å hjelpe elevane til å finne nye musikkstilar som dei likar eller å fostre gleden i den stilen dei har frå før av. Eg er også opptatt av teknikk og å kunne hjelpe ein elev til å bli best mulig.